Uzbekistan Trade Info savdo operatsiyalariga tegishli barcha jarayonlar haqida tartib bilan ma’lumot beradi
Platformadagi ma’lum bir mahsulot bo‘yicha izlash natijasi nimadan boshlash, qayerga borish va yakuniy natija qanday bo‘lishi haqida ma’lumot beradi. Bunday sahifada:
- mahsulotlarni bojxona rasmiylashtiruvidan o‘tkazish uchun bajarilishi kerak bo‘lgan barcha jarayonlar sanab o‘tilgan;
- jarayonlarni bajarish ketma-ketligi bo‘yicha tartibga solingan (masalan, mahsulotlarni bojxonada rasmiylashtirishtiruvidan oldin va hokazo, muvofiqlik sertifikati yoki veterinariya sertifikati talab qilinishi mumkin).
Uzbekistan Trade Info tashqi iqtisodiy faoliyat ishtirokchisi muayyan savdo operatsiyasida (import, eksport, tranzit) amalga oshirishi kerak bo’lgan dastlabki va bojxona rasmiylashtiruvi jarayonlarini qamrab oluvchi 4 ta toifadagi jarayonlar bo‘yicha tegishli ma’lumotlarni taqdim etadi:
- Oldindan ro‘yxatdan o‘tish/dastlabki ro‘yxatdan o‘tish: jismoniy yoki yuridik shaxs litsenziyalar va ruxsatnomalar olishga ariza berishi uchun ko‘p hollarda ro‘yxatdan o‘tishi kerak bo‘ladi. Bu omborxona tomonidan tekshirish yoki veterinariya tekshiruvi bo‘lishi mumkin. Qoidaga ko‘ra, tashqi iqtisodiy faoliyat ishtirokchisi tashkiloti faqat bir marta ro‘yxatdan o‘tishi kerak.
- Litsenziyalar: bir qator soha va tarmoqlarda tashqi iqtisodiy faoliyat bilan shug‘ullanishni xohlovchi tashkilotlar (alohida korxonalar yoki korporatsiyalar) ushbu faoliyatni amalga oshirish uchun oldindan litsenziya va zarur ruxsatnomalarni olishlari kerak. Ba’zi hollarda litsenziyalar har yili yangilanishi kerak.
- Ruxsatnomalar: bojxona rasmiylashtiruvidan oldin tovar uchun olinishi kerak bo‘lgan ruxsatnomalar. Masalan, bu fitosanitariya yoki veterinariya sertifikati, kelib chiqish sertifikati, import ruxsatnomasi, muvofiqlik sertifikati va boshqalar bo‘lishi mumkin. Ushbu tartib-qoidalar har bir yuk savdo operatsiyasi yoki jo’natilayotgan yuk partiyasi uchun bajarilishi kerak.
- Bojxona rasmiylashtiruvi va chegara nazorat tartib-qoidalari: yukni bojxona rasmiylashtiruvidan o‘tkazish va cheqara nazorat punktidan chiqishda yoki kirishda o‘tilishi zarur bo‘lgan barcha tartib. Bularga bojxona deklaratsiyasini taqdim etish, chegaradan o‘tishdagi tekshiruv, yukni muhrlash va boshqalar kiradi. Ruxsatnomalarda bo‘lgani kabi, bu tartib har bir yangi savdo operatsiyasi uchun alohida talab qilinishi mumkin.
Jarayonlar qaysi toifaga tegishli ekanligi, ularni amalga oshirish tartibini ifoda etish, ayniqsa, tovarlar (yoki xizmatlar) savdosi bilan ilk shug’ullanuvchilar uchun juda muhimdir.
Jarayonlarning bosqichma-bosqich tavsifi
Yuqorida aytib o‘tilgan izlash natijasi sahifasida ko’rsatilgan har bir jarayonni kim bajarishi kerakligi va maqsadi haqida matn menyusi aniq va qisqa tushunchlarni o‘z ichiga oladi.
Bundan tashqari, har bir jarayon uchun bajarish zarur bo‘lgan qadamlar ro‘yxati taqdim etaladi. Jarayonlar bir yoki bir nechta bosqichlardan iborat. Bu holatda amalga oshiriladigan qadamning ta’rifi “foydalanuvchi va ma’muriyat (yoki zarur xizmatni ko’rsatuvchi jismoniy shaxs, masalan, notarius) o’rtasidagi savdo operatsiyasini bajarish uchun zarur bo’lgan har qanday muomala”.
Har bir bosqichning tafsiloti (kontaktlar, talablar, natija va boshqalar)
Uzbekistan Trade Info platformasida har bir jarayonning har bor bosqichida quyidagilar ko'rsatilgan:
- zarur bo‘lgan aloqa ma’lumoti, jumladan tashkilot nomi, manzili, telefon raqami, veb-sayt, elektron pochta manzili va boshqalar. ("Qayerga murojaat qilish mumkin?");
- talab qilinadigan hujjatlar, shu jumladan yuklab olinadigan shakllar va tasdiqlovchi hujjatlar (“Nima olib kelish kerak?”);
- xarajatlar, ya’ni, zarur yig‘imlar va to‘lovlar tafsiloti, shu jumladan to‘lov usullari ("Qancha turadi va qanday to‘lashim kerak?");
- kutilgan natija (“Men nima olaman?”);
- bosqichning barcha elementlari uchun qonuniy asosga havola, xususan, talablar va to‘lovlarga ("Qonuniy asos?");
- bosqichni amalga oshirish muddati (“Bunga qancha vaqt ketadi?”);
- shikoyat va murojaat qilish usullari (“Muammo bo‘lsa, qayerga shikoyat qilishim mumkin?”).
